Hewlêr (Rûdaw) – DEM Partiyê li ser Heleb û Til Rifetê got. “Ji ber şer û pevçûnên dawî yên li Sûriyeyê, Kurd, Ereb û gelên din ên li herêma Til Rifet û Helebê ji çeteyên êrîşkar re bîat nakin, bi gefeke nû ya komkujiyê re rû bi rû ne.”
27ê Çiriya Paşîn komên girêdayî Heyeta Tehrîr El Şamê (HTŞ) êrişî parêzgehên Îdlib û Helebê kir û berê xwe da Til Rifetê.
Li hinek herêman jî di navber HSD û komên çekdar de şer û pevçûnê dijwar derdikevin.
Derbarê bipêşketin û şerê li Sûriyeyê de Partiya Gelan a Wekhevî û Demokrasiyê (DEM Parti) daxuyaniyek belav kir.
DEM Partiyê di daxuyaniya xwe de wiha got:
“Ji ber şer û pevçûnên dawî yên li Sûriyeyê, Kurd, Ereb û gelên din ên li herêma Til Rifet û Helebê ji çeteyên êrîşkar re bîat nakin, bi gefeke nû ya komkujiyê re rû bi rû ne.
Bi taybetî jî bi deh hezaran mirovên li Tel Rifetê bi cih bûne û şêniyên herêmê dibin hedefa çeteyên êrîşkar.
Em bang li derdorên siyasî, hêzên demokratîk, dijberên şer, parêzvanên mafên mirovan, rêxistinên sivîl, civaka navneteweyî û saziyan dikin ku ji bo li hemberî geşedanan bêdeng nemînin, li ser bingehên demokratîk bertek nîşan bidin.”