Hewlêr (Rûdaw) – Raportorê Parlamentoya Ewropayê yê Tirkiyeyê Nacho Sanchez û şandeya pê re li gel hevserokên DEM Partiyê civiyan.
Nacho Sanchez û şandeya pê re îro li Enqereyê seriyek da DEM Partiyê.
Şandeya Parlamentoya Ewropayê ji aliyê hevserokên DEM Partiyê Tulay Hatîmoglullari û Tuncer Bakirhan ve hat pêşwazîkirin, pişt re jî civîna her du aliyan dest pê kir.
Hevberdevkên Komîsyona Pêwendiyên Derve ya DEM Partiyê Berdan Ozturk û Ebrû Gunay û hevserokên şaredariyan Mêrdîn, Êlih û Xelfetiyê (Ahmet Turk, Devrîm Demîr, Gulistan Sonuk, Saniye Bayram û Mehmet Karayilan) jî beşdarî civînê bûn ku ku qeyûm li cihên wan hatine danîn.
Li gorî agahiyan, DEM Partiyê li ser qeyûmên ku salên 2014, 2019 û 2024an li ser şaredariyên HDP û DEM Partiyê hatine danîn raporek pêşkêşî şandeya Parlamentoya Ewropayê kiriye.
Di civînê de hatiye diyarkirin ku ew qeyûm bi awayekî neyasayî hatine danîn.
Her wiha behsa bandora polîtîkayên qeyûman a li ser jiyana siyasî û hiquqî jî hatiye kirin.
Şandeya Parlamentoya Ewropayê û DEM Partiyê her wiha mijarên wekî “Doza Kurdan, bidawîanîna tecrîda li Îmraliyê, êrişên li ser mixalefetê, rûdanên dawî yên li Sûriyeyê û bandora wan a li ser Tirkiyeyê” nirxandine.